Erfið byrjun hjá stúlkunum
föstudagur 11.júní 2010 - Ritstjórn Volleyball.is - Lestrar 85 - Athugasemdir (0) Senda á Facebook
Íslenska kvennalandsliðið hóf í dag leik á EM Smáþjóða. Liðið leikur í 5 liða riðli sem leikinn er á
Möltu.
Ísland sendir ungt og efnilegt lið til keppni og lagt er af stað með hóflegar væntingar. Í dag mætti Ísland liði San Marino og lét
í lægra haldi 1 - 3 (25-23,11-25,14-25,18-25).
Eins og tölurnar bera með sér fór íslenska liðið vel af stað en svo var líkt og botninn dytti úr leik liðsins. Það sem
varð liðinu að falli í dag voru of mörg mistök í móttöku og uppgjöfum. Þær Auður Anna Jónsdóttir og
Hjördís Eiríksdóttir léku í dag sinn fyrsta landsleik og komust báðar vel frá sínu. Hjördís Marta
Óskarsdóttir fær einnig sinn fyrsta landsleik skráðan en hún kom ekki við sögu í dag. Byrjunarlið Íslands var þannig skipað:
Kristín Salín, Birna Baldursdóttir, Fríða Sigurðardóttir, Jóna Guðlaug Vigfúsdóttir, Helena Kristinsdóttir og Auður Anna
Jónsdóttir.
"Það var svolítið stress í gangi og of margar uppgjafir sem fóru í súginn. Við náðum aðeins að koma okkur inn í
leikinn aftur í síðustu hrinunni. Við vitum að við getum betur og erum staðráðnar í að sýna það á morgun" sagði
Jóna Guðlaug Vigfúsdóttir í samtali við Volleyball.is stuttu eftir leikinn við San Marino.
Þrátt fyrir tapið í dag er góður hugur í stúlkunum og eru þær staðráðnar í að gera betur á morgun en
þá leikur liðið 2 leiki. Í fyrramálið kl. 9.00 mætir liðið Luxembourg, sem talið er sigurstranglegasta liðið í keppninni, og
síðar um daginn er svo leikið við heimamenn á Möltu.
Önnur úrslit í dag urðu þau að Malta lagði Írland 3 - 0 og þá lagði Luxembourg Möltu einnig 3 - 0.
