Volleyball.is

Bæði íslensku liðin leika um bronsverðlaunin á NEVZA mótinu í dag. Fyrirkomulag mótsins er nokkuð sérstakt. Öll liðin 4 hafa nú leikið saman en búið er að bæta úrslitaleikjum aftan við sjálfa keppnina. Þetta er til að tryggja að allir spili 4 leiki í keppninni. Liðin í fyrstu 2 sætunum leika til úrslita og liðin í 3. og 4. sæti leika um bronsið. Íslensku liðin eiga því möguleika á að bæta fyrir dapurt gengi í riðlinum með sigri í dag.  Stúlkurnar mæta Noregi kl. 10.00 í dag og piltarnir mæta Færeyingum kl. 14.30. Færeysku stúlkurnar komu á óvart í gær er þær lögðu Norðmenn í æsispennandi 5 hrinu leik. Að vonum ríkir hér mikil ánægja með þá frammistöðu. Þó íslensku liðin leiki ekki til úrslita þá eiga Íslendingar sína fulltrúa á leikjunum. Sævar Már Guðmundsson verður aðstoðardómari á karlaleiknum og aðaldómari í kvennaleiknum. Þjálfari færeysku stúlknanna er Magnús Helgi Aðalsteinsson. Volleyball.is mun færa ykkur fregnir af gengi liðanna í dag.