Strandblak - fyrsta stigamótið um helgina
föstudagur 25.júní 2010 - Ritstjórn Volleyball.is - Lestrar 125 - Athugasemdir (0) Senda á Facebook
Fyrsta stigamótið af 4 verður haldið um helgina í Fagralundi í Kópavogi. Metþáttaka er í mótinu.
Þátttakan kemur þó ekki á óvart þar sem íþróttin hefur verið í mikilli sókn undanfarin ár.
Strandblaksnefndin hefur unnið mjög gott starf við kynningu, útbreiðslu og markaðssetningu á íþróttinni. Enn er verið að byggja fleiri
velli og nú nýverið var opnaður völlur í Garðinum. Mikil ásókn hefur verið í vellina í Fagralundi og oftar en ekki þarf
að bíða eftir að komast að.
Stigamótið hefst í kvöld kl. 18.00 og er reiknað með mótslokum um kl. 19.00 á laugardag. Reikna má með harðri keppni í sumar
enda um landssliðssæti að keppa. Strandblakslandsliðin munu svo taka þátt í forkeppni ÓL sem fram fer á Kanaríeyjum í
haust.
Á sunnudaginn verður svo keppt í unglingaflokki.
Volleyball.is hvetur fólk til að mæta í Fagralund í kvöld og á morgun til að fylgjast með spennandi keppni.
