Tap gegn Lux í lokaleik
mánudagur 21.júní 2010 - Ritstjórn Volleyball.is - Lestrar 114 - Athugasemdir (0) Senda á Facebook
Íslenska karlalandsliðið tapaði lokaleik sínum í riðlakeppni EM smáþjóða sem fram fór á Möltu. Þrátt fyrir
tapið endaði Ísland í öðru sæti og kemst því áfram í úrslitakeppnina.
Leikurinn við Luxembourg var úrslitaleikurinn í riðlinum enda bæði liðin taplaus fyrir leikinn. Auk þess höfðu bæði lið tryggt
sig áfram í úrslitakeppnina sem fram fer í Andorra á næsta ári. Íslenska liðið náði sér ekki á strik í
leiknum og tapaðist hann 3 - 0 (25-19, 25-20, 25-18).
Þrátt fyrir tapið verður árangur liðsins að teljast vel ásættanlegur enda markmið ferðarinnar að komast í úrslitin.
Allir leikmenn liðsins komu við sögu í leiknum.
