Leifur þjálfar Þróttara
miðvikudagur 07.júlí 2010 - Ritstjórn Volleyball.is - Lestrar 161 - Athugasemdir (0)
Leifur Harðarson hefur verið ráðinn þjálfari meistaraflokks karla og kvenna hjá Þrótti Reykjavík.
Þróttarar hafa leitað að þjálfara í nokkurn tíma eftir að ljóst varð að Michael Overhage myndi ekki halda áfram með
karlaliðið. Frakkinn Quentin Cucuel sem þjálfaði kvennalið Þróttar mun einnig vera hættur.
Leif Harðason þarf ekki að kynna fyrir blakáhugafólki en hann er fyrrum leikmaður Þróttar og þjálfari. Nú síðustu
árin hefur Leifur einbeitt sér að dómgæslu enda verið einn albesti dómari landsins um langt árabil. Leifur þjálfaði mikið
á árum áður með góðum árangri. Undir hans stjórn urðu Þróttarar Íslandsmeistarar árin 1996 - 1999. Hann tekur
nú við báðum meistarflokksliðunum og ljóst er að framundan er mikið uppbyggingarstarf. Það er mikið verk sem bíður og ekki
auðvelt. Vitað er að fjárhagur blakdeildarinnar hefur verið erfiður en Þróttarar hafa nú tryggt sér næsta Öldungamót.
Það ætti að verða vítamínsprauta á starfsemi deildarinnar næstu árin. Það verður spennandi að fylgjast með
leikmannamálum í framhaldinu en Þróttarar þurfa á því að halda að næla í nokkra leikmenn.
