Naumt tap gegn Luxembourg
laugardagur 12.júní 2010 - Ritstjórn Volleyball.is - Lestrar 72 - Athugasemdir (0)
Ísland tapaði naumlega fyrir Luxembourg í morgun í 5 hrinum, 21-25,25-18,21-25,25-22,14-16). Leikurinn stóð í 129 mínútur!
Eftir slæmt tap gegn San Marino í gær voru stúlkurnar staðráðnar í að gera betur í næstu leikjum. Allt annar bragur var á
leik liðsins gegn firnasterku liði Luxembourgar. Liðið gerði mun færri mistök, sóknarleikurinn var öflugur og með smá heppni hefði leikurinn
getað unnist. Það er ánægjulegt að sjá að íslenska liðið er á pari við það sem best gerist í
Smáþjóðadeildinni. Nú tekur við nokkurra tíma hvíld en liðið leikur gegn Möltu síðar í dag. Dagurinn verður langur
og erfiður fyrir lykilleikmenn Íslands og mikilvægt að vel gangi að skipta leiktímanum á milli leikmanna. Það mun því reyna meira
á varamenn liðsins í leiknum gegn Möltu. Volleyball.is mun flytja nánari fregnir af liðinu síðar í dag.
Apostol Apostolov, þjálfari íslenska liðsins, gerði eina breytingu á byrjunarliðinu en Hjördís Eiríksdóttir úr
Stjörnunni kom inn í stað Auðar Önnu Jónsdóttur úr KA. Birta Björsdóttir, uppspilari úr HK, kom svo mjög öflug inn í
fjórðu hrinu. Hún náði að setja mark sitt á leikinn með góðri baráttu og skynsemi í uppspilinu. Flestir leikmenn liðsins
tóku einhvern þátt í leiknum en búast má við að allar stúlkurnar fái að spreyta sig gegn Möltu síðar í
dag.
