Volleyball.is

Mótið er það stærsta frá upphafi, með 125 þátttökuliðum. Leiknir voru um 370 leikir á 2 1/2 degi. Til þess þurfti 9 velli og reyndar var notast við salinn á Reykjalundi á fimmtudaginn. Með svo marga velli er hægt að framkvæma svona stórt mót án þess að leika þurfi fram eftir kvöldi eða að nóttu til eins og tíðkaðist hér á árum áður. Aðstaða þeirra Mosfellinga er mjög góð þar sem allt er til staðar á sama blettinum. Mikill fjöldi sjálfboðaliða kom að mótinu og dómgæslan var í höndum landsliðsfólks líkt og undanfarin ár. Einhverjar athugasemdir bárust vegna dómgæslunnar en hún gekk mestanpart mjög vel, sérstaklega í efri deildunum, en þar voru vönustu dómararnir. Það getur verið erfitt að dæma leiki í neðrideildunum og oft þarf að slaka á kröfum um tækni til þess að dómarinn sé ekki alltaf að flauta.

Það er ástæða til að óska blakdeild Aftureldingar, með Öldunginn Gunnu Stínu í fararbroddi,  til hamingju með gott mót. Vonandi mun afrakstur mótsins skila sér í kraftmiklu starfi á komandi árum. Starfi sem á endanum mun skila liði í efstu deild.