Power Cup
laugardagur 12.júní 2010 - Ritstjórn Volleyball.is - Lestrar 94 - Athugasemdir (0)
Power Cup er líklega stærsta blakmót sem haldið er í heiminum ár hvert. Mótið er fyrir krakka og unglinga á aldrinum 7 - 22 ára.
Leikið er í aldurs- og styrkleikaflokkum. Power Cup hefur notið gífurlegra vinsælda í gegnum árin eins og þátttakan ber með sér.
Íslensk félög hafa nokkrum sinnum tekið þátt í mótinu, m.a. Þróttur Nes.
Leikið er hefðbundið blak á grasvöllum. Veðrið hefur því mikið að segja hvernig til tekst en alla jafna er gott veður á
þessum tíma í Finnlandi. Það er þó ekki á vísan að róa í þeim efnum og mikil rigning setti svip sinn á leiki
laugardagsins. Það dregur þó ekki úr ánægjunni hjá unga fólkinu. Skemmtileg umgjörð og andrúmsloft einkennir keppnina og unga
fólkið fer heim með skemmtilegar minningar fyrir lífstíð.
